На магистралниот пат Кичево–Охрид, кај кичевското село Подвис, вчера се случила сообраќајна несреќа во која се повредени мотоциклист и пешак.
Од МВР информираат дека несреќата била пријавена на 27 септември во 15:50 часот во СВР Охрид. С.Т. (48) од Кичево, кој управувал мотоцикл „сузуки“ со кичевски регистарски ознаки, удрил во пешакот Б.А. (51), исто така од Кичево.
Во несреќата мотоциклистот се здобил со тешки телесни повреди, кои биле констатирани во Општата болница во Кичево. Пешакот се здобил со телесни повреди.
Увид на местото извршила увидна екипа од СВР Охрид.
