На 17.02.2026 година, во 09:45 часот, во ОВР Неготино е пријавено дека 18-годишник од демиркапиското подрачје станал жртва на злоупотреба на лична карта.
Според пријавата, во периодот октомври–ноември 2025 година, едно лице во Неготино ја земало и фотографирало личната карта на пријавителот со изговор дека му е потребна за делење на пакети за црквата со ветување дека ќе добие надомест. Сепак, младото лице не добило ниту покана за делење, ниту паричен надомест, а подоцна добило известување од финансиско друштво за кредит во висина од 215.731 денари подигнат на негово име.
Полицијата презема мерки за расчистување на случајот и утврдување на сторителот.
