МВР: „Безбеден град“ придонесе за 40 отсто помалку жртви во сообраќајот

Министерството за внатрешни работи соопшти дека проектот „Безбеден град“ веќе дава конкретни резултати и претставува еден од клучните механизми за модернизација на полициското работење и подобрување на безбедноста во сообраќајот.

— реклама —

Според МВР, во периодот од февруари до јуни годинава бројот на загинати лица во сообраќајни незгоди е намален за 40 проценти во споредба со истиот период лани. Односно, од 55 жртви во истиот период минатата година, бројката е намалена на 34.

— реклама —

Во соопштението се наведува дека од почетокот на примената на системот се регистрирани повеќе од 130.000 сообраќајни прекршоци, при што над 95 проценти од нив се однесуваат на пречекорување на дозволената брзина.

— реклама —

Од Министерството оценуваат дека овие податоци покажуваат оти најголемата опасност на патиштата не се камерите, туку несовесното и неодговорно возење.

— реклама —

Воедно, МВР најавува дека имплементацијата на системот „Безбеден град“ ќе продолжи низ целата држава, со цел да се намали бројот на сообраќајни несреќи и жртви и да се обезбедат побезбедни патишта за сите учесници во сообраќајот.