Полициски службеници од Секторот за меѓународна полициска соработка денеска на подрачјето на Бит Пазар во Скопје лишиле од слобода 40-годишен холандски државјанин, баран со меѓународна потерница.
Како што информира Министерството за внатрешни работи, станува збор за лицето Б.А.С. (40), по кое била распишана меѓународна потерница од Холандија поради сомнение за сторени кривични дела поврзани со илегална миграција, криумчарење мигранти и сексуална експлоатација.
Приведувањето било извршено по претходно преземени оперативно-тактички мерки од страна на полицијата.
По апсењето, лицето било предадено во Полициската станица „Бит Пазар“, каде што ќе се спроведуваат понатамошните законски постапки во врска со меѓународната потерница.
