Пo долги месеци борба со дроновите Шахед, Украина сега се соочува со „помладата сестра на Шахед“, позната како Гербера. Имено, украинските медиуми на почетокот на неделава објавија дека на 24 јули во близина на Киев бил забележан нов, досега невиден дизајн на руски дрон.
Руската воена единица „Сталинови соколи“ објави видео од леталото во неделата и соопшти дека тоа е Гербера, „помладата сестра“ на дронот Геран. Русите ги нарекуваат беспилотни летала Шахед дизајнирани во Иран кои „зујат“ на специфичен начин додека се приближуваат до целта, пишува Newsweek.
Дроновите почнаа да доминираат на украинското бојно поле. Досега Русија најмногу користеше беспилотни летала Шахед, а неодамна премина на домашно производство. Беспилотните летала наводно се произведени во централниот руски регион Татарстан и се дизајнирани да ја избегнуваат украинската воздушна одбрана.
Вчера Украина објави дека ги пресретнала сите 89 беспилотни летала Шахед испукани од Русија во текот на ноќта. Воздухопловните сили соопштија дека тоа е еден од најмасовните напади со беспилотни летала врз Украина.
Андриј Черњак, портпарол на украинската воена разузнавачка агенција (ГУР), претходно овој месец изјави дека Русија почнала да користи нови, евтини дронови со долг дострел, често направени од пластика или иверица.
Андриј Крамаров, резервист во украинските воздухопловни сили, изјави за Newsweek дека камерата на Gerbera може да испрати снимки до руските оператори, каде што Москва може да добие вредни информации за локациите на моќните системи како што се Patriot или NASAMS.
Герберата која војниците наводно ја пронашле во околината на Киев немала поставена боева глава, па украинските медиуми шпекулираат дека можеби станува збор за некаков тест прототип што може да се користи за извидување или како мамка.
Крамаров наведува дека Gerbera е опремена со релативно мала боева глава за да ослободи простор за камерата. Русите можеа се почесто да користат Гербера поради ниската цена и релативно долгиот дострел.
„Тоа е беспилотно летало со многу елегантен изглед кој нема никакви нови технолошки карактеристики, но е рафинирано за евтино масовно производство. Сепак, овој тип на евтини дронови претставува вистинска опасност за Украинците“, изјави експертот за дронови Стив Рајт за Newsweek. .
