Над 2,2 милиони денари за поддршка на првачиња и успешни ученици во Кавадарци

Во тек е исплатата на планираните финансиски средства за поддршка на првачињата, менторите и наградените ученици во Кавадарци, информира градоначалникот Митко Јанчев.

За првачињата за учебната 2026/2027 година, по претходно поднесено барање, предвидени се вкупно 702.000 денари.

— реклама —

Дополнително, во тек е исплатата на 653.268 денари наменети за менторите, како и 856.581 денар за наградените ученици за учебната 2026 година.

— реклама —

Вкупната вредност на средствата што се исплаќаат по овие три основи изнесува 2.211.849 денари.

„Горди сме на сите успеси на учениците заедно со нивните ментори. Затоа што тие се наши амбасадори, нашата гордост и секогаш ќе ја имаат нашата поддршка“, порача Јанчев.

— реклама —

Тој изрази надеж дека финансиската поддршка ќе биде дополнителен поттик за учениците и менторите да продолжат со уште поголеми успеси, а на првачињата им посака успешен почеток и напредок во текот на нивното образование.