Над 40 отсто излезност по вториот ден од изборите во Русија

Излезноста на изборите за пратеници во деветтиот состав на руската Државна дума изнесува 44,38 отсто по вториот ден од гласањето, покажуваат податоците на Централната изборна комисија на Русија.

Гласањето започна во петокот, а претседателката на Централната изборна комисија, Ела Памфилова, изјави дека изборите се одвиваат вообичаено, и покрај, како што наведе, обидите за провокации, пренесува РИА Новости.

— реклама —

На изборите за Државната дума учествуваат 10 политички партии: Единствена Русија, ЛДПР, Партија на непосредната демократија, Зелените, Праведна Русија, Родина, Комунистичката партија на Руската Федерација (КПРФ), Партијата на пензионерите, Комунисти на Русија и Нови луѓе.

Во Русија се одржуваат повеќе од 2.200 изборни кампањи на различни нивоа, на кои граѓаните ќе избираат околу 20.700 пратеници и раководители на локалните администрации.

Гласањето ќе трае до 20 септември.

— реклама —

Повеќето избирачки места се отворени од 8 до 20 часот, додека на одредени избирачки места во пограничните подрачја времето за гласање е скратено.

Електронското гласање на далечина се спроведува во 33 региони, а на изборите учествуваат повеќе од 380.000 набљудувачи, меѓу кои повеќе од 1.000 странски набљудувачи од 133 држави и 13 меѓународни организации.

— реклама —

Според РИА Новости, жителите на самопрогласените Доњецка и Луганска Народна Република, како и на Запорошката и Херсонската област, првпат избираат пратеници во Државната дума.

За нив, како и за гласачите во одредени погранични региони, овозможено е предвремено гласање.

Во странство се отворени 333 избирачки места во 152 држави.

Рускиот претседател Владимир Путин претходно ги оцени изборите за Државната дума како најважен внатрешнополитички настан во земјата.

Сајбернапади во тек за време на изборите во Русија: „Ниту еден не беше успешен“

Системот за интернетско гласање во Москва во текот на изминатата ноќ се најде на мета на сајбернапад среде парламентарните избори во Русија, изјави денеска претседателката на Централната изборна комисија, Ела Памфилова, пренесува „Интерфакс“.Нападите сè уште траат, но ниту еден досега не бил успешен, изјави Памфилова, според наводите на руските државни медиуми. Гласањето на парламентарните избори во Русија започна вчера наутро, а трае до утре. Се очекува победа на владејачката партија Единствена

Свет | пред 1 месец