Над 70 илјади компании во Македонија оствариле промет од 2,2 билиони денари во текот на една година

Македонските компании во текот на 2025 година оствариле вкупен промет од 2.226.478 милиони денари, а нивната бруто-додадена вредност изнесувала 522.087 милиони денари. Станува збор за вкупно 70.843 пазарно ориентирани деловни субјекти, покажуваат податоците на Државниот завод за статистика.

— реклама —

Најголем удел во вкупниот промет има трговијата на големо и мало, со 38,7 отсто, додека преработувачката индустрија учествува со 24,5 отсто. Овие два сектора заедно оствариле повеќе од 63 проценти од прометот на деловните субјекти.

— реклама —

Кај бруто-додадената вредност, преработувачката индустрија е на водечката позиција со 26,2 отсто, пред трговијата на големо и мало, која учествува со 20 проценти.

— реклама —

Меѓу позначајните сектори е и градежништвото, со удел од 10 отсто во вкупната додадена вредност, додека телекомуникациите, компјутерското програмирање, консултантските и другите информатички дејности придонесуваат со 9,2 проценти.

Статистичките показатели потврдуваат дека трговијата и преработувачката индустрија имаат доминантна улога во економската активност на деловните субјекти во Македонија, при што преработувачкиот сектор создава најголем дел од додадената вредност.