За продолжениот празничен викенд, граничните премини бележат засилен интензитет на сообраќај, со значително поголем број излези од државата отколку влезови, покажуваат податоците на Министерството за внатрешни работи.
На граничниот премин Богородица, во периодот од четврток напладне до вчера напладне, од државата излегле 6.864 македонски државјани, додека влез регистрирале 1.394 лица. Во истиот период, 4.753 странски државјани влегле во земјата, а 5.070 ја напуштиле.
Најголем притисок е забележан на преминот Табановце, каде што 9.150 македонски државјани ја напуштиле државата, додека 3.158 влегле. Кај странските државјани, 7.360 лица влегле, а 5.449 излегле од земјата.
Зголемен сообраќај има и на останатите гранични премини. На Дојран, 546 македонски државјани излегле од државата, а 241 влегле, додека кај странските државјани 1.212 влегле и 1.114 ја напуштиле земјата.
На граничниот премин Меџитлија, излез од државата оствариле 832 македонски државјани, а влез 129. Во однос на странските државјани, 3.347 влегле, а 3.038 ја напуштиле земјата.
