Шпанската тениска легенда Рафаел Надал предизвика бројни реакции откако во дел од претстојниот документарец на „Нетфликс“ го откри својот избор на десетте најголеми спортисти на сите времиња.
Надал, кој важи за еден од најуспешните тенисери во историјата со 22 гренд слем титули, меѓу кои рекордни 14 на Ролан Гарос, составил листа на спортисти кои според него оставиле најголем белег во светскиот спорт.
Посебно внимание привлече фактот што на листата се најде Новак Ѓоковиќ, додека неговиот долгогодишен ривал Роџер Федерер не е меѓу избраните.
Според објавените информации, изборот на Надал ги вклучува следните спортски великани:
Мајкл Џордан (кошарка)
Џек Никлаус (голф)
Тајгер Вудс (голф)
Новак Ѓоковиќ (тенис)
Мухамед Али (бокс)
Михаел Шумахер (Формула 1)
Јусеин Болт (атлетика)
Мајкл Фелпс (пливање)
Диего Марадона (фудбал)
Пеле (фудбал)
Надал во својата кариера освои 92 титули, меѓу кои и олимписко злато во 2008 година, а неговото ривалство со Ѓоковиќ и Федерер се смета за едно од најголемите во историјата на спортот.
Токму затоа изоставувањето на Федерер од оваа листа веќе предизвикува дебати меѓу љубителите на тенисот ширум светот.
