Нафтата поевтини на најниско ниво во последните десетина дена

Цените на нафтата денеска паднаа на најниско ниво во повеќе од една недела, поттикнати од надежите дека дипломатските напори би можеле да придонесат за деескалација на војната со Иран, но и од зголемените испораки на нафта од Саудиска Арабија.

— реклама —

Фјучерсите на северноморскиот „брент“ поевтинија за 2,16 долари, односно 2,08 отсто, на 101,71 долар за барел. Во текот на тргувањето цената се спушти до најниско ниво од 10 септември.

— реклама —

Американската лесна сурова нафта WTI падна за 2,15 долари, односно 2,14 отсто, на 98,15 долари за барел, со што повторно се најде под границата од 100 долари.

— реклама —

Падот на цените доаѓа во услови на делумно обновување на испораките на саудиска нафта и покрај продолжените напади на јеменските Хути. Според сателитски податоци, просечниот обем на саудиска нафта што минувала низ Ормускиот Теснец во последните шест дена изнесувал 2,9 милиони барели дневно, во споредба со 700.000 барели дневно во август.

Аналитичарите оценуваат дека дел од ризичната премија повторно се повлекува од цените поради очекувањата дека може да се отвори дипломатски пат кон деескалација на конфликтот меѓу САД и Иран. Сепак, останува неизвесно дали дипломатските напори ќе доведат до конкретен напредок.