Нафтата се приближува до 100 долари: Ескалацијата меѓу САД и Иран ги тресе енергетските пазари

Цените на нафтата продолжија да растат во средата, поттикнати од новата ескалација меѓу САД и Иран и зголемените стравувања дека конфликтот би можел да го наруши снабдувањето со енергенси.

— реклама —

Цената на северноморската нафта „брент“, која е глобален репер, за испорака во ноември порасна за повеќе од 1,1 отсто и достигна 99,04 долари за барел во раното тргување. Претходно се искачи и до 99,68 долари.

„Брент“ годинава поскапе за повеќе од 60 отсто и се приближува до границата од 100 долари за барел, ниво кое последен пат беше достигнато кон крајот на јули. Уште поизразен раст бележат рафинираните нафтени производи, меѓу кои и дизелот, во услови на продлабочување на конфликтот на Блискиот Исток и негово проширување кон Црвеното Море во близина на Саудиска Арабија.

— реклама —

Истовремено, европските цени на природниот гас пораснаа четврти ден по ред, по најновите американски напади.

— реклама —

Борбите меѓу САД и Иран за контрола над Ормускиот Теснец се интензивираа во последните денови. Овој важен морски премин е една од клучните транспортни рути за глобалното снабдување со нафта, течен природен гас и ѓубрива.

Американската војска соопшти дека уништила пет ирански танкери со сурова нафта и потопила уште еден, како одговор на иранските напади врз американски воен брод.

— реклама —

Иранската Исламска револуционерна гарда (ИРГК) соопшти дека веднаш возвратила со силни ракетни напади врз Јордан, кој е сојузник на САД. Јорданската државна новинска агенција „Петра“ објави дека вооружените сили на земјата пресретнале 20 балистички ракети.