Најладно во Берово со –4 степени, на Попова Шапка 58 сантиметри снег

Утрово најниска температура во земјава е измерена во Берово, каде термометрите покажале –4 степени Целзиусови. Студено било и во Битола и Струмица со –2 степени, додека во Скопје-Петровец и Маврови Анови се измерени –1 степен.

— реклама —

Нула степени се регистрирани во Крива Паланка, Велес, Попова Шапка, Демир Капија, Тетово, Гевгелија и Штип, додека 1 степен е измерен во Куманово, Прилеп, Охрид, Претор и Кавадарци. Во Скопје на Зајчев Рид утринската температура изнесувала 2 степени, во Крушево 3, а најтопло било во Виница со 4 степени.

— реклама —

Најмногу снег има на Попова Шапка, каде се измерени 58 сантиметри снежна покривка.

— реклама —

Според прогнозата, времето денеска ќе биде сончево со мала до умерена локална облачност. Ќе дува слаб до умерен ветер од променлив правец, а максималната температура ќе се движи од 14 до 19 степени.

— реклама —

Во Скопје времето ќе биде сончево и релативно топло со слаб ветер од променлив правец, а дневната температура ќе достигне до 20 степени.