Најмалку 12 мигранти загинале во бродска несреќа јужно од Крит

Најмалку 12 мигранти загинале откако чамецот со кој патувале бил пронајден јужно од грчкиот остров Крит. Уште 18 лица биле спасени од товарен брод што минувал низ областа, соопшти грчката крајбрежна стража, а пренесува АП.

— реклама —

Пловилото било откриено утрово, на околу 28 километри јужно од Крит. Засега нема информации за идентитетот на загинатите ниту за околностите под кои настапила нивната смрт.

— реклама —

— реклама —

Грчката крајбрежна стража пронашла и уште два чамци со мигранти во истото подрачје. На едниот имало 47, а на другиот 40 лица. Сите биле пренесени кон пристаниште на јужниот брег на островот.

— реклама —

Во изминатите месеци илјадници мигранти се обидуваат да го поминат опасниот морски пат од Северна Африка до Грција. Земјата се наоѓа на една од најкористените миграциски маршрути кон Европа, по која минуваат луѓе што бегаат од воени судири и сиромаштија во Африка, на Блискиот Исток и во Азија.