Најмалку тројца загинати и 60 повредени во новите руски напади врз Украина

Во руските напади низ Украина во изминатите 24 часа загинаа најмалку три лица, а околу 60 се ранети, соопштија украинските регионални власти.

— реклама —

Во меѓувреме, во Киев заврши спасувачката операција по разорниот ракетен напад што вчера погоди станбена зграда во населбата Дарницки.

— реклама —

Украинските воздухопловни сили соопштија дека Русија во текот на ноќта лансирала шест крстосувачки ракети и 141 дрон. Противвоздушната одбрана успеала да собори еден проектил и 130 беспилотни летала.

— реклама —

Во Херсонската област загинаа две лица, а 13 биле повредени во напади врз населби долж реката Дњепар. Уште едно лице загина во Запорожје.

Најмногу повредени има во Харковската област, каде што биле ранети 39 лица по напади со дронови и наведувани бомби.

Повредени се пријавени и во Дњепропетровската, Одеската и Сумската област. Меѓу нив има и 17-годишно момче кое било рането во напад врз неговото село.