Најмногу дожд наврна во Претор – 26 литри на квадратен метар

Најмногу дожд во изминатите 24 часа до 8 часот утринава наврна во Претор, каде се измерени 26 литри на квадратен метар, соопшти Управата за хидрометеоролошки работи (УХМР).

— реклама —

Според измерените количини на врнежи, по Претор следуваат Битола, Струмица и Попова Шапка со по 7 литри на квадратен метар, додека Охрид, Маврови Анови и Пожаране добија по 6 литри.

Во Крива Паланка се измерени 5 литри, а во Скопје-Петровец и Крушево по 4 литри на квадратен метар. Помали количини врнежи се регистрирани во Прилеп со 2 литри, како и во Скопје-Зајчев Рид, Куманово, Велес и Берово со по 1 литар на квадратен метар.

— реклама —

Од УХМР напоменуваат дека овие вредности се измерени на официјалните дождомерни места, а поради локалниот карактер на врнежите, на одделни места количината на воден талог може да била и значително поголема.

— реклама —

За денеска се прогнозира сончево време со мала до умерена локална облачност. Ќе дува слаб до умерен ветер од северозападен правец, кој долж Повардарието и во источните делови повремено ќе засилува.

Максималната дневна температура ќе биде во интервал од 23 до 30 степени.

— реклама —

Во Скопје се очекува сончево време со мала до умерена облачност и слаб до умерен северен ветер, кој во делови од котлината повремено ќе засилува. Температурата ќе достигне до 29 степени.