Во текот на изминатите 24 часа, најниската измерена температура е -3°С на Попова Шапка, додека во Претор и Гевгелија се забележани највисоки минимални температури од 5 и 6°С. Во останатите региони минималните температури се движат од -2°С во Ѓуриште до 4°С во Струмица и Демир Капија.
Според последните податоци за врнежи, најмногу дожд паднал во Гевгелија – 23 l/m², следи Попова Шапка со 20 l/m² и Крива Паланка и Штип со 17 l/m². Во Скопје-Петровец и Лазарополе паднале 13 l/m², а во Виница и Берово 12 l/m². Најмалку врнежи се регистрирани во Прилеп и Тополчани, со само 1 l/m².
