Македонскиот диџејски колектив SEMPRE, составен од Delovski - продуцентот зад хит-преработките на „Ој Девојче“ и „Крај“, Invictoz - продуцентот зад хит-преработките на „Некогаш ќе помине“ и „Севда“, како и заедничкиот хит - преработката под SEMPRE заедно со Flowzy и Blu „Може Може Може“, се организатори на првата едиција на open-air фестивалот „The Smiley Calls Skopje“.
Фестивалот ќе се одржи на 19 септември на паркингот пред арената „Борис Трајковски“ во Скопје.
По две успешни години од постоењето на брендот, момците од SEMPRE значително придонесоа кон развојот и враќањето на македонската електронска музичка сцена, преку својата резиденција во култниот скопски клуб „Станица 26“, месечните резиденции во „Three Kitchen“, како и настапите пред некои од најголемите музички имиња на светската сцена: Black Coffee, Armin van Buuren, Argy и HUGEL.
SEMPRE со нивната преработката на „On The Low“, беа поддржани од најголемиот светски диџејски колектив - Keinemusik.
SEMPRE зад себе имаат настапи во голем број познати локали низ земјава, како и низ регионот, а со „The Smiley Calls Skopje“ го прават следниот чекор и својата енергија ја носат на голема open-air сцена.
На фестивалот ќе настапи и еден од најперспективните млади диџеи од Германија - JUNO. Неговата музика е поддржана од голем број светски реномирани имиња од афро-хаус сцената.
Локална поддршка на настанот ќе биде женското диџејско дуо „The Aft3r“, составено од Елена Иваноска и Марија Јанчевска, а ќе настапи и диџејот Иван Димитријев.
Подгответе се за електронски музички спектакл под отвореното небо на Скопје.
Картите за настанот можете да ги купите онлајн на kupikarta.com.
За резервации и повеќе информации за зоните VIP A и VIP B, обратете се на +389 71 703 910
