Најстудено утрово во Берово, измерен минус еден степен

Берово утрово е најстудениот град во Македонија, со измерени минус еден степен Целзиусов. Во останатите места температурите се движат од два до осум степени, информираат од Управата за хидрометеоролошки работи.

— реклама —

Според податоците на УХМР, два степена се измерени во Битола, три во Струмица, а четири во Демир Капија, Скопје-Петровец, Тетово, Крива Паланка и Маврови Анови. Температура од пет степени е измерена на Попова Шапка, во Велес, Штип, Куманово, Прилеп и Претор, додека во Охрид, Гевгелија, Кавадарци и Скопје-Зајчев Рид се измерени шест степени. Во Крушево температурата изнесува седум, а во Виница осум степени.

— реклама —

— реклама —

Времето денеска ќе биде претежно сончево, со слаб до умерен ветер од југоисточен правец. Максималната температура ќе се движи од 20 до 26 степени.

Во Скопје ќе биде сончево, со слаб до умерен северен ветер и максимална температура до 25 степени.