Наместо да се плаќа приватна итна помош како што предлагаат СДСМ -ДУИ за нечии приватни интереси, на фирма која ќе треба да набави возила, да вработи и плаќа персонал и да вади профит, Министерството за здравство, преку болниците може да набави возила и да вработи допопнителен персонал, велат од ВМРО-ДПМНЕ како реакција на прес конференцијата на Соња Михаиловска од СДСМ
„Државата наместо да плаќа се што може сама да направи, плус да исплатува профит, може да го направи сама преку болниците, а за сметка на профитот кој треба да легне на приватни сметки на лица блиски до СДСМ може да ги покачи платите на персоналот кој ќе работи во итната помош.
Парите со кои СДСМ сака некому да му плаќа за приватна итна помош не се ниту на Заев, ниту на Ковачевски, тие се на граѓаните. Кога Заев и Ковачевски ќе трошат од нивните пари тогаш може на кого сакаат да ги даваат, но кога се работи за народни пари тие мора да се трошат разумно“, се вели во реакцијата.
