Нападнале 63-годишна жена во Скопје и ѝ ја украле ташната, полицијата приведе 19-годишник и 15-годишник

Двајца млади скопјани, од кои едниот е малолетник, се приведени откако физички нападнале 63-годишна жена и ѝ ја одзеле ташната со пари, лични документи, мобилен телефон и други лични предмети.

— реклама —

Според информациите од МВР, денеска (28 октомври) во 15:35 часот во СВР Скопје, С.В. (63) пријавила дека била физички нападната од две лица, кои потоа ѝ ја одзеле ташната и се оддалечиле.

— реклама —

Полициски службеници од Полициската станица од општа надлежност Ѓорче Петров веднаш презеле мерки и активности, по што осомничените биле пронајдени и лишени од слобода.

— реклама —

Утврдено е дека станува збор за А.Х. (19) и 15-годишен малолетник, двајцата од Скопје.

Лицата се предадени во полициска станица, а по целосното документирање на случајот ќе биде поднесена соодветна кривична пријава.