Народна банка ги демантира наводите за големи парични трансфери од Алта банка кон Србија и Русија

Народната банка соопшти дека нема евидентирано трансакции во поголеми износи кон Србија и Русија преку „Алта банка“ АД Битола, демантирајќи ги наводите што се појавија во јавноста.

— реклама —

Од Централната банка информираат дека деталната анализа на податоците за 2025 година и периодот заклучно со октомври 2026 година не покажала такви трансакции.

— реклама —

Според објавените податоци, приливите од Србија во 2025 година изнесувале 2,2 милиони евра, а одливите 5,3 милиони евра. Во периодот до октомври 2026 година, приливите достигнале 6,2 милиони евра, додека одливите изнесувале 7,2 милиони евра.

— реклама —

Од Народната банка посочуваат дека станува збор за трансакции поврзани со редовното работење на клиентите на банката, кои се незначителни во однос на вкупниот обем на платниот промет.

— реклама —

Во однос на Русија, Централната банка нагласува дека во наведениот период не се евидентирани ниту приливи ниту одливи во платниот промет и билансот на „Алта банка“ АД Битола.