„Не беа упатени кон Елина“: Сабаленка се огласи по навредливите зборови

Белоруската тенисерка Арина Сабаленка јавно се извини поради навредливите зборови што ги изговори во налет на бес за време на мечот против Украинката Елина Свитолина на завршниот турнир.

— реклама —

Камерите ја забележаа Сабаленка во третиот сет како упатува вулгарни навреди, по што во јавноста се појавија реакции за нејзиното однесување. По мечот, кој заврши со победа на Свитолина, Белорусинката преку објава на Инстаграм потврди дека ги изговорила зборовите, но објасни дека тие не биле наменети за нејзината противничка.

— реклама —

„Сакам да разјаснам нешто во врска со мојот последен меч, за што се зборува на интернет. Мојот коментар не беше упатен кон Елина. Бев фрустрирана од мала група гледачи кои агресивно ги славеа моите грешки, па во тој момент реагирав импулсивно. Сепак, требаше поинаку да се справам со фрустрацијата и им се извинувам на сите што можеби ги навредив. Елина одигра одличен меч и ѝ посакувам сè најдобро во продолжението на турнирот“, напиша Сабаленка.

— реклама —

За Белорусинката ова е уште едно разочарување во сезоната. Неуспехот на завршниот турнир е еден од низата резултати поради кои го загуби првото место на ВТА-листата.

— реклама —

Сабаленка годинава освои само две титули – во Индијан Велс и Мајами. На следната ВТА-листа се очекува да падне за уште една позиција.