Не изрекол казна од 100 евра на возач за возило со истечена сообраќајна дозвола и не го исклучил од сообраќај, кривична за полициски службеник

Одделот за внатрешна контрола, криминалистички истраги и професионални стандарди при Министерството за внатрешни работи поднесе кривична пријава против А.Љ., раководител на смена во Полициската станица за граничен премин Јажинце при Регионалниот центар за гранични работи „Север“.

— реклама —

Пријавата е доставена до Основното јавно обвинителство за гонење организиран криминал и корупција, Специјализираното одделение за гонење кривични дела сторени од лица со полициски овластувања и припадници на затворската полиција, поради сомнение за сторено кривично дело „злоупотреба на службената положба и овластување“ од член 353 од Кривичниот законик.

— реклама —

— реклама —

Според МВР, на 27 јуни 2026 година, пријавениот одлучил да не му изрече на возач предвидена глоба од 100 евра во денарска противвредност. Исто така, не го исклучил возилото од сообраќај, со што му овозможил на возачот и понатаму да управува со него, иако претходно друг полициски службеник утврдил сообраќаен прекршок поради управување возило со сообраќајна дозвола чиј рок на важност бил истечен повеќе од 30 дена.

Одделот за внатрешна контрола ќе поднесе и предлог за поведување постапка за утврдување дисциплинска одговорност на А.Љ., како и за негово отстранување, односно суспензија од работното место до завршување на дисциплинската постапка.