Не оставајте застоена вода, пријавувајте мртви птити: граѓаните повикани на претпазливост поради западнонилската треска

Градоначалникот на Општина Карпош, Сотир Лукровски, информира дека општината активно ја следи состојбата со западнонилската треска и во координација со Град Скопје и надлежните институции презема дополнителни превентивни мерки.

— реклама —

Според Лукровски, веќе е реализирано дополнително авионско прскање против ларви на комарци, а во недела навечер е предвидено и теренско прскање против возрасни комарци.

— реклама —

Тој упати и апел до граѓаните да не оставаат застоена вода во дворовите, на терасите, во саксии, садови и резервоари, бидејќи таквите места можат да бидат погодни за размножување на комарци.

Лукровски предупреди граѓаните да не допираат мртви птици со голи раце.

— реклама —

Таквите случаи, според информацијата, треба да се пријават на бројот 112 или во Агенцијата за храна и ветеринарство на 0800 3 22 22.

„Со заедничко и одговорно дејствување, придонесуваме кон поголема заштита на здравјето на сите граѓани“, порача Лукровски.