Во Скопје вечерва, 7 септември, ќе се слушнат артилериски истрели од касарната „Илинден“ во рамки на одбележувањето на 8 Септември – Денот на независноста на Македонија.
Почесната артилериска стрелба ќе започне во 19 часот, кога единица на Артилерискиот баталјон на Армијата, со шест артилериски орудија, ќе испука вкупно 10 плотуни.
Претходно, во 18 часот, ќе биде изведена пробна стрелба со еден плотун од истите орудија. Поради тоа, граѓаните во делови од Скопје може да слушнат силни детонации во два одделни термина.
Од Армијата посочуваат дека станува збор за однапред најавена церемонијална активност, а не за вонреден или безбедносен настан. Почесната артилериска стрелба традиционално се организира во пресрет на државниот празник.
Македонија утре, 8 Септември, одбележува 35 години од референдумот од 1991 година, на кој граѓаните се изјаснија за самостојна и суверена држава.
Плотунот претставува истовремено истрелување од повеќе артилериски орудија, поради што звукот може да наликува на серија силни детонации.
