независност

„САД ја ценат Македонија како сојузник, ЕУ го поддржува патот кон Унијата“ – честитки за Денот на независноста

„Во текот на три децении изградивме силно партнерство – работејќи заедно во дипломатијата, безбедноста, образованието и културата“, порача Амбасадата на САД во честитката по повод Денот на независноста.Американскиот државен секретар Марко Рубио ја нагласи посветеноста на Вашингтон за продлабочување на соработката со Северна Македонија. „Како сојузник на НАТО, вашето ветување за зголемени трошоци за одбрана ја потврдува вашата посветеност на заедничките безбедносни цели. Правдата, стабилноста и просперитетот ќе продолжат да бидат во срцето на нашите односи“, наведе Рубио.Поддршка дојде и од Брисел. „Цврсто го поддржувам вашиот пат за приклучување кон нашата Унија. Ние сме со вас на секој чекор од тој пат“, напиша европската комесарка за проширување Марта Кос на Икс.Честитка испрати и претседателот на Европскиот совет, Антонио Кошта, кој истакна дека ЕУ останува посветена на европскиот пат на земјата.

Македонија | пред 2 месеци

Мицкоски: Ќе нè биде – го давам секој атом од енергијата за иднината на државата

Премиерот Христијан Мицкоски во обраќањето по повод Денот на независноста порача дека правдата е неизбежна и ќе стигне до сите кои нечесно се стекнале со богатство.„Народот има впечаток дека тие кои нечесно заработуваат, не одговараат, но јас ви ветувам – нема милост за никој. Сега или малку подоцна, правдата е неизбежна и ќе ги стигне“, рече Мицкоски.Тој истакна дека граѓаните со години се разочарани од системот поради примери што ги даваа политичките елити, неправедните политики и криминалот кој, како што рече, ја разјадувал државата. „Правдата не смее да прави разлика кој од каде е, на која политичка страна припаѓа или колку пари има, туку само дали прекршил закон или не“, додаде премиерот.Мицкоски порача дека Македонија мора да се движи напред со заеднички напори: „Залудна е мојата лична среќа ако мојот сосед е несреќен. Или ќе нè биде, сега и овде, или немаме шанси повеќе. А јас ви велам – ќе нè биде! Мора да нè биде. За таа цел го давам секој атом од енергијата“.Тој нагласи дека не ја презел функцијата за лична корист, туку за да остави трага и иднина за граѓаните. „Нашата татковина има иднина и сите ние мораме да придонесеме. Јасно да зборуваме за работите кои се закана за нашето општество“, изјави премиерот Мицкоски.

Македонија | пред 2 месеци

Филипче: Државата е нашиот дом, борбата за иднината е заедничка обврска

Лидерот на СДСМ, д-р Венко Филипче, во видео обраќање по повод Денот на независноста – 8 Септември, порача дека државата е дом на сите граѓани и борбата за нејзината иднина е заедничка обврска.Филипче нагласи дека државата не е ничија сопственост, туку припаѓа на граѓаните. „Државата е на граѓаните. Таа е нашиот дом. За нашиот дом мора да се бориме сите. Македонија е и на тие што останаа овде, и на тие што заминаа, ама не заборавија. Мораме да ја чуваме оваа држава, затоа што немаме друга“, истакна тој.Тој повика на политичко и државничко освестување, оценувајќи дека патриотизам е да се обезбеди чист воздух, да се помагаат послабите и посиромашните и да се гради правична држава. „Државата не се брани само со знаме и химна, се брани и со фер институции, и со праведно судство, и со еднакви шанси за сите. Денес заканата не е од оружје, туку од корупцијата, неправдата, дискриминацијата и сиромаштијата“, рече Филипче.Претседателот на СДСМ потсети дека партијата во изминатите 34 години учествувала во сите клучни државни одлуки, со кои, како што рече, е зачувана државата од војна, изградени институциите, зголемени платите и социјалната помош, обезбедено членство во НАТО и справување со кризите.„Сега е време да се обезбеди иднина што нема да зависи од тоа кој е на власт, туку каква држава сме изградиле. Ако 1991 се изборивме за независност, сега треба да се избориме за иднина. Честит нека ни е Денот на независноста, да ни е силна државата, да ни е чесна борбата“, порача Филипче.

Македонија | пред 2 месеци

Македонија слави 34 години независност

На 8 септември 1991 година граѓаните на Македонија со убедливо мнозинство ја запишаа најважната страница во современата историја на земјата. На референдумот организиран во предвечерјето на распадот на поранешна Југославија, 95 отсто од излезените граѓани одговорија „за“ на прашањето: „Дали сте за самостојна Македонија со право да стапи во иден сојуз на суверени држави на Југославија?“Од вкупно 1.495.626 запишани избирачи, на гласање излегоа 1.132.981 граѓанин или 71,85 отсто. Од нив, 1.079.308 гласачи, односно 95,09 отсто, се изјаснија за независна и суверена Македонија. Според официјалниот извештај на Комисијата за спроведување на референдумот, немало поднесени приговори или жалби, што ја потврдува успешноста на процесот.Овој историски чин го означи раѓањето на современата македонска држава и почетокот на патот кон меѓународно признавање, демократски развој и евроатлантска интеграција.Честитки по повод Денот на независностаПо повод 34-годишнината од независноста, честитка од претседателката Гордана Сиљановска-ДавковаНа 8 Септември 1991 година, легално и легитимно, врз основа на неотуѓивото и непотрошно право на самоопределување на секој народ, на референдумот за самостојна и независна Македонија излегоа 75,74% од електоратот, а „за“ гласаа 72,16% од запишаните!Така, ние, македонските граѓани, ја крунисавме вековната борба на илинденците и партизаните со унитарна, независна и самостојна држава!Денес, 34 години потоа, во свет заснован на сила, а не на право, сè уште водиме битка за суверена, рамноправна, модерна, стандардна, европска, правна држава, членка на Европската Унија.Изминативе три децении се соочивме со бројни внатрешни поделби и кризи, со надворешни притисоци и предизвици, со отстапки и компромиси неусогласени со референдумската одлука од 1991 година, па и со меѓународното и национално право.Политиката, за жал, нè учи дека неправдите не се отстрануваат со потег на перото, туку со макотрпна домашна и меѓународна борба, со правни аргументи и внимателни политички активности, со макотрпно градење пријателски сојузи, а не со непромислени и избрзани акти, со внатрешно единство, а не со поделби, со самопочит, но и со меѓусебна почит.Патот кон правото и правдата води преку европеизирана држава, втемелена на копенхагенски критериуми, преку демократска власт, ограничена со систем на ефикасни спреги и кочници, преку компетитивна и просперитетна економија, преку партиципативна политичка култура, преку силно граѓанско општество и слободни медиуми.Младите не се задржуваат и стимулираат со партизација и политизација, туку со образование и наука што стимулираат, почитуваат и наградуваат знаење, труд и заслуги.Ако домата ни е европска, сигурна сум дека нашите деца и внуци ќе сакаат да работат, творат и растат семејства тука, во нивната дома, или постојано да соработуваат со татковината, ако се надвор, привремено или трајно. Само во европски амбиент се креира европска иднина!Претседателот на Уставниот суд, д-р Дарко Костадиновски, упати честитка до граѓаните нагласувајќи:„Вековниот стремеж за самостојна, независна, суверена и демократска Македонија стана стварност на 8 септември 1991 година. Денес вистинската љубов кон татковината значи да се гради правната држава. Чин на врвен патриотизам е посветеноста на владеењето на правото.“Во својата порака, претседателот на Собранието, Џафери Гаши, истакна дека независноста е „завет наследен од минатото, обврска за сегашноста и водич за иднината“. Тој повика на единство околу вредностите на сплотеност и посветеност за исполнување на државните аспирации:„Време е секој од нас да придонесе во зајакнувањето на мирот, стабилноста и соживотот. Да работиме заедно за посилна, поправедна и пообединета држава, каде што нашите разлики ќе бидат богатство, а не пречка.“Македонија денесТриесет и четири години по прогласувањето на независноста, Македонија е стабилен сојузник во НАТО и држава кандидат за членство во Европската Унија. Во овие децении земјата изгради институции, се стекна со меѓународна почит и продолжува да чекори по патот кон посветла иднина за идните генерации.Честит 8 Септември – Ден на независноста на Република Северна Македонија!

Македонија | пред 2 месеци

Културните институции со отворен влез и изложби во чест на Денот на независноста - 8 Септември

Големиот државен празник Денот на независноста - 8 Септември, се одбележува со низа пригодни манифестации, меѓу кои и изложби и отворени врати на културните установи, музеи и галерии низ целата Република.Денеска, од 11:00 часот до 20:00 часот граѓаните бесплатно ги посетуваат во Скопје: Археолошкиот музеј, НУ „Музеј на македонска борба за самостојност“, НУ„ Музеј на Македонија“, Природно-научен музеј, Музеј на современа уметност, како и Националната галерија на Република Северна Македонија.Во Велес, граѓаните може да го посетат археолошкиот локалитет „Стоби“, во Охрид, НУ „Завод за заштита на спомениците на културата и музеј куќа на Робевци“. Во Тетово, отворени се НУ „Музеј на тетовскиот крај“ и НУ „Уметничка галерија“, во Струмица „Музејот и завод Струмица“, во Битола археолошкиот локалитет „Хераклеа“, НУ „Завод за заштита на спомениците на културата и музеј“, како и НУ „Музеј на албанската азбука“.Граѓаните може да ги посетат и НУ „Завод за заштита на спомениците на културата и музеј“ во Прилеп, Историскиот музеј во Крушево, Националната установа - Музејот во Гевгелија, во Штип „Заводот за заштита на културата и музеј“, понатаму во Кичево, НУ „Музеј на Западна Македонија во НОВ“ и Националната установа - Музеј во Куманово.

Македонија | пред 3 години

31 година Македонија: Зависни од храна, струја, вакцини, а славиме независност, ја украдовме иднината на своите деца кои ги спремаме за емигранти

Македонија денеска одбележува 31 година независност од успешно спроведениот референдум во 1991 година на кој македонските граѓани се изјаснија за самостојна и суверена држава.Граѓаните преку социјалните мрежи упатија честитки по повод денешниот празник, со желба да ја вратиме независноста. Велат зависни сме од храна, струја, вакцини, двојазични табли, уставни промени, секакви збирштини од партии....а славиме независност.Ова се дел од реакциите на граѓаните.https://twitter.com/VladimirJosifo1/status/1567760235145707527?s=20&t=juYSkDeR4YEsoLfM-bsXJwhttps://twitter.com/BrlaBrla/status/1567787273252491264?s=20&t=juYSkDeR4YEsoLfM-bsXJwhttps://twitter.com/mufljus/status/1567783743204610049?s=20&t=juYSkDeR4YEsoLfM-bsXJwhttps://twitter.com/IgorCaveski/status/1567758468290908160?s=20&t=juYSkDeR4YEsoLfM-bsXJwhttps://twitter.com/Cheporoshka/status/1567640091606093827?s=20&t=juYSkDeR4YEsoLfM-bsXJwhttps://twitter.com/arsovtale/status/1567487699761696769?s=20&t=juYSkDeR4YEsoLfM-bsXJwhttps://twitter.com/aP41IWsLgUTQD1T/status/1567438067509731329?s=20&t=juYSkDeR4YEsoLfM-bsXJwhttps://twitter.com/AntovSr/status/1567772438141800453?s=20&t=4jGlrvolzHULIQ0tNg7uNwhttps://twitter.com/Andon_USA/status/1567776924675543040?s=20&t=juYSkDeR4YEsoLfM-bsXJwhttps://twitter.com/LepceSoSalamce/status/1567770523962163201?s=20&t=XXu0FLFxlK2Ew__DxKHzfw 

Коментари | пред 3 години

Македонското друштво „Илинден“ – Тирана со честитка по повод Денот на независноста на Македонија

– Македонското друштво „ Илинден“ – Тирана упати честитка по повод 8 Септември – Денот на независноста на Република Македонија.– Во мое лично име и во името на македонското друштво „Илинден“ – Тирана ви го честитам 8 Септември – Денот на независноста на татковината Македонија. Пред точно 31 година македонските граѓани покажаа исклучителна демократска зрелост и донесоа одлука со која сите се гордееме и која го трасираше патот за посветла иднина на нашата матична држава, стои меѓу другото во честитката.Се додава дека овој историски ден е симбол на одлучноста и непоколебливоста на македонскиот народ да го оствари својот вековен стремеж и да изгради независна и суверена држава.-Нека ни е честит и вековит денешниот празник, нека е вечна нашата татковина, Република Македонија, се наведува во честиката потпишана од Никола Ѓурѓај, претседател на друштвото.Честитка, по повод Денот на независноста од свое и од име на партијата упати и Васил Стерјовски, претседател на македонската партија, Македонска алијанса за европска интеграција, МАЕИ.

Македонија | пред 3 години

Иванов повикува на борба за права: Треба да имаме достоинство

Поранешниот претседател на Република Македонија, Ѓорѓе Иванов преку социјалните мрежи ја честиташе независноста на државата.„Почитувaни сограѓани,На 8. Септември 1991 година го оствариме вековниот стремеж за слободна и независна македонска држава. Гласајќи за независноста и сувереноста на Република Македонија им се оддолживме на нашите предци и се обврзавме кон нашите потомци.Прогласувајќи независност, изменивме многу планови. Со тоа се изложивме на неизвесноста да бидеме исклучок од многу правила. Слободата ја постигнавме, но правдата ни беше ускратувана. Патот до меѓународното признавање, беше, а и сѐ уште е исполнет со двојни стандарди, негирања и блокади. Како држава и општество бевме, а и сега сме обесправени.Но, мораме да се бориме за правата што сами по себе ни следуваат – правото на самоопределување, човечко достоинство и просперитет.Сплотени и единствени мора да продолжиме да работиме на изградба на просперитетна, богата и силна Република Македонија. Да градиме држава во која решенијата ќе се носат внимателно и мудро.Одлуките донесени на овој историски референдум што ја дефинираше самостојноста и сувереноста на Република Македонија беа, и остануваат да бидат обврзувачки за секој еден од нас.Нека ни е честит 8-ми Септември, Денот на независноста на Република Македонија“, напиша Иванов.

Македонија | пред 3 години

Мицкоски: Пред 31 година народот имаше ентузијазам, енергија и надеж, после 31 година одново се наоѓаме пред крстопат и нови предизвици

Лидерот на ВМРО-ДПМНЕ го честиташе Денот на независноста 8-ми Септември.Честиткатави ја прененесуваме во целостДозволете ми во мое лично име и од името на ВМРО-ДПМНЕ да го честитам Денот на независноста 8-ми Септември.На овој ден народот во огромно мнозинство одлучи дека сака да живее во своја независна, слободна и суверена држава.Пред 31 година народот имаше ентузијазам, енергија и надеж. После 31 година и поминати голем број на премрежја, предизвици, падови одново се наоѓаме пред крстопат и нови предизвици.Овој пат со многу помала надеж и ентузијазам поради лошото искуство низ годините. Имаме земја заглавена во исполнување на стратешките цели, децениско чекање за промени, отсуство на реформи, лош стандард, висок степен на корупција и уште поголема сиромаштија. Граѓаните ги делат истите страдања, истите маки.Македонецот знае да ја препознае тежината на времињата и да го избере патот кој е правичен, сигурен и носи просперитет и иднина.Сега повеќе од било кога се потенцирани предизвиците во форма на негација на македонскиот народ, идентитет, јазик, историја и култура.На Македонија и треба нов 8-ми Септември, нова надеж, национално и сеопштествено обединување околу заложбата за подобра иднина и зачуван идентитет.Како што на 8-ми Септември победи мислата за независна, суверена и самостојна Македонија, така и на претстојниот референдум ќе победи Македонија.Овој референдум ќе ја зацврсти Македонија и сите ние заедно ќе докажеме дека сме достојни на нашите предци и способни да им ја оставите државата просперитетна на нашите деца. Затоа е многу важно сите без разлика на националност, религија и политичка партија да се обединиме и исто како на 8-ми Септември 1991 година.Јас сум цврсто уверен дека македонскиот народ, заедно со Албанците, Турците, Ромите, Србите, Власите, Бошњаците и сите останати има и сила и мудрост да го помине и ова премрежје пред кое се наоѓаме.Нека ни е за многу години независноста.Да живее Република Македонија.Со почит,Проф. д-р Христијан МицкоскиПретседател на ВМРО-ДПМНЕ

Македонија | пред 3 години

(ВИДЕО) Ковачевски со честитка за Денот на независноста: Обединети во слободата да ги продолжиме перспективите

Премиерот Ковачевски со честитка за Денот на независноста: Обединети во слободата да ги продолжиме перспективите, нека ни е честит и вековит Денот на независностаПо повод Денот на независноста, претседателот на Владата на Република Северна Македонија Димитар Ковачевски, упати честитка до сите граѓанки и граѓани во државата, со порака дека обединети во слободата треба да ги продолжиме перспективите, затоа што историјата не учи дека за секој важен чекор напред, е потребно обединување.Во продолжение е интегралната честитка на премиерот Ковачевски по повод Денот на независноста:„Почитувани граѓанки и граѓани на слободна и независна Република Северна Македонија,Го дочекуваме овој голем државен празник, обединети во едно, заедничко општество дома, како достоинствена членка на НАТО и идна членка на Европската Унија на меѓународен план.Интеграциите се битката на нашата генерација.И затоа повикувам Обединети во слободата да ги продолжиме перспективите.Историјата учи дека за секој важен чекор напред е потребно обединување.Граѓаните Македонци, Албанци, Турци, Власи, Срби, Бошњаци, Роми, и сите други, на историскиот референдум на 8-ми септември, 1991-та година, во огромно мнозинство, сплотени, независно од етничките и политичките различности, одлучија да живеат во независна држава.Генерациите од тие 90-ти години мудро ја извлекле поуката од илинденците и асномците, кои се обединиле во борбата - за слободата и државноста.Се поставиле на висина на својата задача и се обединиле во остварување на независноста, без да ја доведат во прашање веќе извојуваната слобода.Ова е пример што покажува колку е важно заедништвото и што значи да се има мудро, храбро и прогресивно политичко лидерство, посветено на напредокот на граѓаните и на државата.Денес, исправени пред последиците од пандемијата и војната во Украина со коишто се соочува целиот свет, а тоа се безбедноста и достапноста до храна и енергија, можеме да констатираме дека ние, три значајни чекори направивме навреме.Станавме дел од НАТО и ја осигуравме државата, во најголемиот безбедносен сојуз, каде земјите членки солидарно се штитат меѓу себе. Ги започнавме преговорите со Европската унија гордо и со крената глава, за на истата маса, одвнатре да ги браниме јасно и гласно и понатаму нашите позиции. Ја основавме, заедно со Србија и Албанија, иницијативата Отворен Балкан, преку којашто осигуравме сериозно подобрување на регионалната соработка, но и развој на нашите економии со шанси за нови придобивки за граѓаните и компаниите.Обединувањето на граѓаните е гаранција за домашниот мир. Добрососедските односи се гаранција за регионалниот мир. А нашето обединување меѓу 27-те членки на Европската Унија е реална и неопходна перспектива за унапредување на квалитетот на животот на граѓаните, според европските принципи и вредности.Започнатите преговори со Европска Унија во план е да ги завршиме многу брзо. Работиме напорно и со брза динамика граѓаните на Република Северна Македонија да бидат што поскоро дел од европското семејство.На овој 8-ми Септември, повикувам сите заедно, обединети во слободата, да се обединиме и околу идејата за Република Северна Македонија којашто брзо чекори по европскиот пат. Да се издигнеме на висина на должноста, за да ја добиеме нашата генерациска битка.Нека ни е честит и вековит 8-ми Септември, Денот на независноста.“

Македонија | пред 3 години