Поранешниот премиер Никола Груевски, кој од 2018 година живее во Унгарија, каде што доби азил, преку социјалните мрежи го честиташе Денот на независноста на Република Македонија.
„Честит ден на слободна, суверена и независна Република Македонија! Нека е вечна и просперитетна татковината!“, напиша Груевски.
Објавата за помалку од 10 минути собра повеќе од 1.000 допаѓања, а во коментарите граѓаните му го честитаа празникот и му упатија пораки за што поскоро враќање во Македонија.
„Вечна да е Претседателе! И побрзо да се вратите во нашата напатена Македонија“, гласи еден од коментарите.
„Мислам време е да дојдете и да ја направите подобра нашата држава МАКЕДОНИЈА!!!“, напиша друг корисник.
Во друг коментар стои: „Да сте живи и здрави, нека ни е вечна, и само Вие би можеле достоинствено да ја водите!“
Груевски избега од Македонија во 2018 година, а Унгарија потоа му одобри азил.
