Сè е подготвено за Дејвид Гета: Вратите на Арената „Тодор Проески“ се отвораат во 17 часот, „Авалон“ со важни информации за публиката

Вратите на Арената „Тодор Проески“ вечерва ќе бидат отворени во 17:00 часот за концертот на светската музичка ѕвезда Дејвид Гета, соопшти „Авалон продукција“, организатор на концертот.

— реклама —

Програмата ќе започне во 20:00 часот, а пред настапот на Дејвид Гета ќе настапат Семпле и диџеј Никифор.

— реклама —

Од „Авалон продукција“ ја повикаа публиката да пристигне навреме и, доколку е можно, да влезе порано за да се избегнат гужви и подолго чекање на влезовите.

Поради посебниот сообраќаен режим што ќе биде воспоставен во текот на денот, организаторот препорачува посетителите да користат пешачки пристап или јавен превоз и да избегнуваат доаѓање со сопствени возила.

— реклама —

Пултовите за замена на влезниците за нараквици во Градскиот парк – „Вембли“ ќе бидат отворени до 17:00 часот. Од организаторот препорачуваат оние кои се во можност да дојдат порано, со цел да се избегнат гужви при замената на влезниците.

„Се гледаме вечерва на најголемиот музички спектакл досега одржан во Македонија“, порача „Авалон продукција“.