Светски познатиот тенор Хозе Карерас вечерва настапува во Скопје, а концертот можеше да се следи и во живо.
Настанот беше најавен како „José Carreras with Macedonian All-Stars“, а на сцената со Карерас настапуваат Влатко Стефановски, Каролина Гочева, Калиопи, Ана Дурловски, Игор Дурловски, Наум Петрески и Сузана Спасовска.
Концертот беше придружуван од Македонската филхармонија, под диригентската палка на Давид Хименез.
Со оваа комбинација, скопската публика имаше можност да види заеднички настап на едно од најголемите имиња на светската оперска сцена со дел од најпознатите македонски вокални и инструментални изведувачи.
Карерас е еден од легендарните „Тројца тенори“, заедно со Лучано Павароти и Пласидо Доминго, и зад себе има децениска меѓународна кариера.
Концертот во Скопје може да го видите тука:
