„Не забораваме, не отстапуваме“ – 45. Марш на ангелите во Кочани

Во Кочани попладнево ќе се одржи 45-тиот Марш на ангелите. Почетокот на маршот е закажан за 18 часот и 5 минути часот во Паркот на револуцијата, од каде учесниците ќе се движат кон трговскиот центар, УЈП, МВР, Основниот суд и ќе завршат кај спортската сала „Кочански ангели“.

— реклама —

Организаторите информираат дека маршот ќе се одвива мирно и достоинствено, во чест на 63-те ангели, за повредените и за семејствата кои секојдневно се соочуваат со болката и загубата.

— реклама —

„Повторно ќе чекориме. Не затоа што времето ја намалува болката. Туку затоа што љубовта не престанува, а правдата не смее да чека.

— реклама —

Ќе чекориме мирно и достоинствено. За нашите 63 Ангели. За повредените. За семејствата што секој ден учат да живеат со празнина што не се опишува. Овој марш е за сеќавање. За одговорност. За вистината да не остане без глас и правдата да не остане без крај.

Не забораваме. Не отстапуваме. Продолжуваме. Тишината не е заборав.Маршот е нашата сила“, стои во објавата.