Бизнисменот и политичар Нефи Усеини најави дека ќе ја дислоцира бетонската база која е изградена до Охридско Езеро без дозвола и дека во моментов преговарал со градоначалникот на Охрид Константин Георгиевски околу нова локација за бетонска база.
Тој во изјава за порталот „А1.он“ вели дека во моментов е во преговори за законски да го реши проблемот, и дека од како ќе се договореле со властите , ќе пристапеле кон барање дозвола за дислокација на бетонската база.
Локалната самоуправа и полицијата до сеуште тврдат дека овој индустриски објект на диво го изградило непознато лице, и пријавите кои ги поднеле се против непознато лице.
