„Немам видено пациентка со спастична параплегија што така свежо изгледа и стои исправено на двете нозе на ТВ“: Професор по медициснки основи на инвалидност за Ива Михаилова

Владимир Трајковски, професор на Филозофскиот факултет кој предава предмет поврзан со медицинските основи на инвалидноста, реагираше на телевизиското појавување на Ива Михајлова, оценувајќи дека не забележува знаци на спастична параплегија.

— реклама —

Во објава на социјалните мрежи, Трајковски посочи дека во текот на својата професионална кариера не сретнал пациент со оваа дијагноза кој изгледа како Михајлова во нејзиното телевизиско гостување.

— реклама —

„Како професор што предава Медицински основи на инвалидноста, во целата своја кариера немам видено пациентка со спастична параплегија што така свежо изгледа и стои исправено на двете нозе на ТВ како бегалката Ива Михајлова“, наведува Трајковски.

— реклама —

Тој додава дека не знае какви знаци и симптоми имала Михајлова при прегледот на Клиниката за неврологија пред неколку месеци, но тврди дека во моментот не забележува знаци на спастична параплегија.

Неговата изјава се однесува на личната процена врз основа на телевизиското појавување, а во објавата не се наведени медицински наоди врз кои би можела да се потврди нејзината здравствена состојба.