„Немаме сила за нови неправди“: Родителите со порака од Маршот на ангелите по рочиштето за „Пулс“

На вчерашниот „Марш на ангелите“, кој го организираат родителите на загинатите во дискотеката „Пулс“, една од мајките на жртвите упати силна и емотивна порака во која зборуваше за болката, разочарувањето и стравот од, како што рече, можноста правдата да не биде задоволена.

— реклама —

Таа истакна дека на последното судско рочиште родителите почувствувале длабоко разочарување и страв, оценувајќи дека процесот не оди во насока која гарантира целосна правда за загинатите деца.

— реклама —

Во својата изјава таа порача дека родителите повеќе немаат сила да поднесуваат нови неправди и побара од судот да ја заврши својата работа чесно, законски и праведно.

— реклама —

„Ние сме родители кои го изгубиле највредното што го имале и живееме како живи мртовци. Не дозволувајте да ја изгубиме и последната надеж дека правдата постои. Нашите деца заслужуваат вистина, одговорност и правда, а ние нема да престанеме да се бориме за тоа“, изјави таа.

— реклама —

Маршот на ангелите и понатаму се организира од страна на семејствата на жртвите, кои бараат целосно расветлување на трагедијата и утврдување на одговорност.