Необична „роденденска честитка“ за грчкиот министер: Хакери нарачале 150 поршеа и 50 мерцедеси

Грчкиот министер за здравство Адонис Георгиадис доживеал необично изненадување на својот роденден, откако открил дека неговата електронска пошта била хакирана и дека во негово име биле испратени нарачки за 200 луксузни автомобили и 25 парчиња оружје.

— реклама —

Георгиадис за случајот информирал преку социјалните мрежи, наведувајќи дека веднаш стапил во контакт со Службата за борба против електронски криминал и дека ќе преземе правни мерки.

— реклама —

Според неговата објава на Икс, преку хакираната електронска пошта биле нарачани 150 автомобили „Порше Кајен“, 50 возила „Мерцедес-Мајбах“, 24 ловечки пушки „Бенели“ и еден пиштол „Спрингфилд Армори Ешелон“.

„На денот на мојот роденден ми го приредија следново изненадување. Ми го хакирале мејлот и, користејќи го моето име, ги направиле овие нарачки. Им благодарам за оригиналниот начин на честитање, но ги информирам дека веќе стапив во контакт со Службата за борба против електронски криминал и дека ќе преземам правни мерки“, напиша министерот, додавајќи дека, за среќа, нема такви неостварени желби.

— реклама —

Од објавените фотографии на пораките се гледа дека лицето или лицата што ги испратиле нарачките се претставиле како министерот. Во пораката до компанијата „Порше“ било наведено дека Георгиадис лично ги нарачува автомобилите за себе и за сопругата, додека од „Мерцедес“ било побарано 50 возила да бидат испратени на неговата домашна адреса.

— реклама —

Случајот се случил во Грција, а надлежните служби се информирани за хакерскиот напад.