Неовластено набавиле и продавале над 1,3 тони тутун, избегнале акциза од над 3,4 милиони денари

СВР Куманово поднесе кривична пријава против двајца жители на селото Опае, Општина Липково, на возраст од 56 и 59 години, поради сомнение за сторено кривично дело „избегнување на плаќање акциза“, соопшти Министерството за внатрешни работи.

— реклама —

— реклама —

Според МВР, во текот на 2025 година пријавените неовластено набавиле, чувале и преработиле 1.324 килограми тутун во лист, кој потоа го продавале на други лица.

— реклама —

Со ваквите активности, според пријавата, избегнале плаќање акциза во износ од 3.442.400 денари.