Несреќа на патот Кичево-Охрид: шест повредени меѓу кои и деца, двајца се со тешки последици

На 21.04.2025 во 15.30 часот во СВР Охрид било пријавено дека на магистралниот пат Кичево-Охрид, кај планинскиот превој „Пресека“, се случила сообраќајна несреќа помеѓу патничко моторно возило „киа“ со скопски регистарски ознаки, управувано од К.Ф.К.Л.(53) од Франција и „шкода“ со кумановски регистарски ознаки, управувано од А.К.(42) од Куманово.

— реклама —

— реклама —

Во несреќата, возачот на возилото „киа“ и сопатничката К.К.А.Е. (19) од Франција се здобиле со тешки телесни повреди, додека возачот на возилото „шкода“ и сопатниците С.К.(36) и две малолетни лица, сите од Куманово, се здобиле со телесни повреди, констатирани во болницата „Св.Еразмо“ во Охрид.

— реклама —

Увид на местото на несреќата извршила екипа од ОВР Кичево.