Нетанјаху му честиташе на Додик и најави продлабочување на соработката со Република Српска

Израелскиот премиер Бенјамин Нетанјаху му честиташе на Милорад Додик и на неговиот Сојуз на независни социјалдемократи (СНСД) за изборната победа на изборите во Република Српска.

Нетанјаху во објава на социјалната мрежа X ги нарече Додик и неговите сопартијци „големи пријатели“ и најави продолжување и продлабочување на соработката со Република Српска.

— реклама —

„Сакам да им честитам на моите големи пријатели: претседателот Милорад Додик, претседателката Жељка Цвијановиќ, претседателот Саво Миниќ и СНСД за убедливата победа на изборите во Република Српска оваа недела“, напиша Нетанјаху.

Тој додаде дека очекува продолжување на блиската соработка и нејзино проширување во областа на технологијата, енергетиката, безбедноста и други области.

— реклама —

На изборите одржани на 4 октомври, СНСД, според прелиминарните резултати на Централната изборна комисија на БиХ, оствари значаен резултат во Република Српска.

— реклама —

Жељка Цвијановиќ, кандидатка на СНСД за српски член на тричленото Претседателство на БиХ, освои втор мандат, додека Саво Миниќ, кандидат на партијата за претседател на Република Српска, според прелиминарните резултати, водеше пред кандидатот на опозицискиот СДС, Бранко Блануша.

Додик, кој претходно ја загуби функцијата претседател на Република Српска, остана на чело на СНСД и по изборите прогласи победа на својата партија.

Додик во изминатите години одржува блиски односи со израелскиот политички врв, а повеќепати престојувал во Израел, каде што се сретнал со Нетанјаху и со израелскиот претседател Исак Херцог.

Властите во Република Српска настојуваат да ја прошират соработката со Израел, особено во областа на технологијата, економијата, земјоделството и безбедноста.