Нетанјаху не се откажува од власта: „Влада на национално единство е можна“

Израелскиот премиер Бенјамин Нетанјаху порача дека формирањето влада на национално единство сè уште е можно, повикувајќи се на способноста на израелскиот народ да се обедини во клучни моменти. Неговата изјава доаѓа еден ден откако остро ги критикуваше обидите за формирање влада без негово учество.

— реклама —

Нетанјаху најави дека ќе продолжи да им подава рака на потенцијалните партнери за идната владејачка коалиција. Тој смета дека актуелниот момент бара единство и дека тоа е желбата на мнозинството граѓани.

— реклама —

„Вчера објаснив зошто е неопходна влада на национално единство. Денес сакам да кажам зошто таа е можна“, изјави Нетанјаху пред новинарите, пренесува „Тајмс оф Израел“.

Како примери за национално единство ги посочи церемонијата на полагање заклетва на пратениците во Кнесетот и заедништвото меѓу војниците и цивилите во текот на изминатите три години војна.

— реклама —

Израелскиот претседател Исак Херцог му го довери мандатот за составување влада на Гади Ајзенкот, главниот политички ривал на Нетанјаху. Ајзенкот се обидува парламентарното мнозинство од 67 пратенички места, кое го има блокот на партии против Нетанјаху, да го претвори во владејачка коалиција.

— реклама —

Прашањето за соработката со арапските партии стана една од главните точки на несогласување меѓу потенцијалните коалициски партнери. Нетанјаху претходно ги обвини арапските пратеници дека поддржуваат тероризам и се залагаат за уништување на Израел.