Нетанјаху: Ја шириме воената офанзива во Либан

Израелскиот премиер Бенјамин Нетанјаху денеска изјави дека Израел ја проширува својата воена офанзива во Либан со учество на „значителни копнени сили“, и покрај прекинот на огнот што беше договорен со посредство на Соединетите Американски Држави и кој е во сила до почетокот на јули.

— реклама —

Изјавата на Нетанјаху беше дадена на почетокот на состанокот на израелскиот безбедносен кабинет, соопшти неговиот кабинет.

— реклама —

„Ги продлабочуваме нашите операции во Либан, а израелската армија таму дејствува со значителни копнени сили и контролира стратешки области“, изјави Нетанјаху, без да прецизира за кои локации станува збор.

Тој додаде дека израелската војска воспоставува „безбедносен појас“ со цел да ги заштити градовите во северниот дел на Израел.

— реклама —

Најавата доаѓа во момент кога израелската армија продолжува со нападите во Либан и покрај прекинот на огнот што стапи во сила на 17 април, а подоцна беше продолжен со американско посредство до почетокот на јули.

— реклама —

Според либански официјални претставници, во израелските напади од почетокот на март досега загинале речиси 3.200 луѓе, повеќе од 9.600 се повредени, а над 1,6 милиони жители се раселени.