Израелскиот премиер Бенјамин Нетанјаху нареди започнување воздушни напади врз главниот град на Либан, Бејрут, како одговор на, како што наведе, континуираните прекршувања на примирјето од страна на Хезболах.
Според соопштението од израелската влада, нападите се насочени кон јужното предградие Дахије, кое важи за едно од главните упоришта на Хезболах, организација која има поддршка од Иран.
Нетанјаху изјави дека одлуката е донесена поради повторените напади врз израелски градови и граѓани, за кои Израел го обвинува Хезболах.
Иако во Либан формално е на сила 45-дневно примирје, судирите меѓу израелската армија и Хезболах продолжуваат речиси секојдневно. Во текот на изминатата седмица, израелските сили дополнително ги интензивираа воените операции во јужен Либан.
Најновата ескалација повторно ги зголеми стравувањата од поширок регионален конфликт на Блискиот Исток, во услови на зголемени тензии меѓу Израел, Иран и нивните сојузници.
