Нетфликс ги стопира сите проекти поврзани со Русија

Netflix во моментов ги стопира сите телевизиски проекти поврзани со Русија поради нападот на Украина, пренесува Variety, специјализиран портал за филмската индустрија.

— реклама —

Русија се соочува не само со економски санкции, туку и со бојкот на филмската и телевизиската индустрија. Канскиот филмски фестивал во вторникот објави дека руските претставници нема да учествуваат на овогодинешниот фестивал доколку не заврши војната во Украина.

— реклама —

Нетфликс сè уште размислува што да прави за актуелните настани во Источна Европа, со оглед на тоа што треба да произведе четири серии кои доаѓаат од Русија. Популарниот сервис за стриминг се уште нема објавено официјален коментар.

— реклама —

Претходно оваа недела, Нетфликс соопшти дека нема намера да додава државни канали на руската верзија на услугата, иако нејзините правила не забрануваат дистрибуција на такви канали.

Русија е една од 190-те земји каде што е достапен Netflix.