Невреме може да го одложи финалето на Светското првенство

Финалето на Светското првенство, кое е закажано за недела на стадионот „МетЛајф“ во Њу Џерси, би можело да биде одложено поради најавеното невреме.

— реклама —

Според временската прогноза, за време на натпреварот се очекува температура од околу 28 степени, но постои и можност за грмежи и поројни врнежи.

— реклама —

Бидејќи стадионот нема покрив, евентуалната појава на молњи би можела да доведе до одложување на почетокот на натпреварот или до негов привремен прекин, како што веќе се случуваше на некои натпревари за време на годинашниот турнир.

— реклама —

Одложувањето на финалето би претставувало сериозен организациски и финансиски предизвик за ФИФА, со последици за телевизиските преноси, спонзорите, организаторите, како и за навивачите и туристичкиот сектор.

— реклама —

Во финалето Шпанија ќе игра против победникот од полуфиналниот дуел меѓу Англија и Аргентина, а ФИФА се надева дека натпреварот ќе се одигра според предвидениот распоред.