СВЕТСКО ПРВЕНСТВО

Конго бара од ФИФА враќање пари за навивачите поради забраната за влез во САД

Фудбалскиот сојуз на Демократска Република Конго побара од ФИФА враќање на парите за навивачите на кои, поради епидемијата на ебола, им бил забранет влез во Соединетите Американски Држави.Во барањето се наведува дека навивачите кои планирале да присуствуваат на натпреварите на Светското првенство веќе направиле големи трошоци за билети и сместување, поради што федерацијата се надева дека ФИФА ќе покаже разбирање.„Казнети се затоа што не можат да влезат во САД, да присуствуваат на Светското првенство и да го поддржат својот тим“, изјави за Би-Би-Си Спорт Африка Верон Мосенго Омба.„Ја прашавме ФИФА дали е можно ова да се земе предвид, бидејќи билетите се прилично скапи. Не сакаме нашите навивачи, кои го сакаат фудбалот и Светското првенство, да изгубат сè“, додаде тој.Фудбалската репрезентација на Демократска Република Конго на Светското првенство ќе настапи во групата К, заедно со Еквадор, Узбекистан и Португалија.Африканската селекција два натпревари од групната фаза ќе игра во САД – против Португалија во Хјустон и против Узбекистан во Атланта, додека дуелот со Еквадор ќе се игра во Запопан.

Спорт | пред 1 седмица

Меси се повреди: навивачите загрижени за неговиот настап на Светското првенство

Лионел Меси ги загрижи навивачите на Аргентина откако поради повреда го напушти натпреварот на Интер Мајами против Филаделфија Јунион, само неколку недели пред почетокот на Светското првенство.Аргентинската ѕвезда беше заменета во 73-тата минута од победата на Интер Мајами со 6-4, откако претходно забележа две асистенции. Меси се фати за левата задна ложа и сам побара замена, по што директно замина во соблекувалната.Иако одеше самостојно и без медицинска помош, неговата состојба предизвика загриженост кај аргентинската јавност, особено бидејќи Светското првенство започнува на 11 јуни.Не е познато дали станува збор за посериозна повреда или само мерка на претпазливост, а натпреварот се играше во услови на силен дожд и лизгав терен.Аргентина сè уште не го објавила конечниот список за Мундијалот во САД, Канада и Мексико, но се очекува Меси да биде дел од тимот доколку биде целосно подготвен.Осумкратниот освојувач на „Златната топка“ претходно изјави дека ќе настапи на Светското првенство само ако се чувствува физички подготвен.Аргентина првиот натпревар од групната фаза го игра на 16 јуни против Алжир во Канзас Сити.

Спорт | пред 1 седмица

Голем удар за Барселона и Шпанија: Фермин Лопез го пропушта Светското првенство

Фудбалерот на ФК Барселона, Фермин Лопез, ќе го пропушти претстојното Светско првенство поради тешка повреда.Младиот шпански репрезентативец скршил метатарзална коска во стапалото и ќе мора да оди на операција, по што го очекува повеќемесечна пауза.Од Барселона потврдија дека Лопез се повредил на натпреварот против Реал Бетис и дека му е скршена петтата метатарзална коска на десното стапало.Повредата доаѓа во момент кога Лопез беше блиску до место во составот на шпанската репрезентација за Мундијалот.Фермин Лопез сезонава се наметна како еден од клучните играчи на Барселона, со 13 голови и 17 асистенции.Со својата енергија и офанзивен придонес, тој стана важен дел од тимот на тренерот Ханси Флик.

Спорт | пред 2 седмици

ФИФА отстрани судија од СП

Светската фудбалска федерација направи неочекуван и многу остар потег пред Светското првенство – холандскиот судија Роб Диперинк е отстранет од листата на официјални лица за Мундијалот.Диперинк, кој беше планиран за улога на ВАР-судија на претстојниот турнир, се најде под истрага на лондонската полиција по пријава за наводен сексуален напад врз малолетник во текот на април во Кројдон.Иако случајот брзо беше затворен поради недостиг на докази, ФИФА не ја промени својата одлука.„ФИФА може да потврди дека Роб Диперинк е отстранет од листата на судии за Светското првенство“, се наведува во краткото соопштение што го пренесува „The Athletic“.Метрополитанската полиција во Лондон потврди дека против холандскиот арбитар нема да има понатамошни постапки. Како што наведоа, била спроведена детална истрага во која биле прегледани снимки од надзорни камери, како и дигитални уреди, но „прагот на докази не бил исполнет“.Веста предизвика големо внимание во Холандија, особено затоа што Диперинк јавно изјави дека бил „неправедно обвинет“ и дека од самиот почеток соработувал со сите институции.„Длабоко сум разочаран што бев неправедно обвинет. Обвинувањата беа отфрлени многу брзо по темелна истрага. ФИФА, УЕФА и КНВБ од самиот почеток имаа целосна транспарентност од моја страна“, изјави Диперинк за холандскиот „De Telegraaf“.Холандскиот судија не ја криеше разочараноста поради одлуката на ФИФА.„Секако дека сум разочаран што нема да бидам на Светското првенство“, додаде тој.Зад својот арбитар застана и Кралскиот холандски фудбалски сојуз, кој нагласи дека сериозно пристапува кон секоја пријава за несоодветно однесување, но и дека верува оти секој мора да добие шанса да се одбрани.„Посветени сме на безбедна и фер фудбалска култура. Сепак, важно е луѓето да не бидат однапред осудени. Полицијата во Обединетото Кралство го затвори случајот, а Роб Диперинк од самиот почеток целосно соработуваше“, соопштија од КНВБ.

Спорт | пред 2 седмици

За првпат Светско првенство нема да се емитува на МТВ

За помалку од еден месец започнува Светското првенство во фудбал кое ќе се одржи во САД, Канада и Мексико, а за првпат натпреварите нема да се емитуваат на каналите на Македонската радиотелевизија.ФИФА ги објави носителите на телевизиските права, а на списокот ја нема МТВ. Правата за пренос во Македонија и регионот ги има телевизијата „Арена Спорт“.Иако сè уште нема официјална потврда, според најавите натпреварите би требало да се емитуваат со коментар на македонски јазик.Македонската радиотелевизија досега редовно ги пренесуваше најголемите репрезентативни фудбалски натпреварувања, а единствен исклучок беше Европското првенство во 2008 година, кога правата ги доби телевизијата „Алсат“.

Спорт | пред 2 седмици