Големите горештини го одложуваат Светското првенство

Светското првенство во Саудиска Арабија во 2034 година би можело да се одржи во јануари 2035 година.

— реклама —

Терминот на натпреварувањето сè уште не е потврден, па засега се зборува за можност, а не за одлука на ФИФА да го помести Мундијалот.

— реклама —

Главниот предизвик се високите летни температури, поради кои одржувањето на турнирот во вообичаениот термин во јуни и јули е проблематично. Слична ситуација имаше и со Катар, кој Светското првенство во 2022 година го организираше во текот на ноември и декември.

— реклама —

Сепак, изборот на зимски термин за Саудиска Арабија дополнително го комплицира Рамазан, кој во 2034 година се очекува да биде во текот на ноември и декември. Поради тоа, како можни решенија се споменуваат почетокот на 2034 година или јануари следната година.

Доколку биде избрана втората опција, турнирот предвиден за 2034 година би се одржал во следната календарска година. Конечниот одговор ќе зависи од одлуката на ФИФА и усогласувањето на меѓународниот фудбалски распоред.