Изјавата на поранешниот шпански премиер за француската репрезентација предизвика реакции во Франција и Шпанија

Изјавата на поранешниот шпански премиер Маријано Рајој, кој француската фудбалска репрезентација ја нарече „репрезентација без француски играчи“, предизвика силни реакции и осуди од политичари во Франција и Шпанија.

— реклама —

Рајој во својата колумна напиша дека Франција има „врвен тим, но без француски играчи“, по што неколку француски министри и шпански политичари ја оценија неговата изјава како расистичка и ксенофобична.

— реклама —

Шпанскиот премиер Педро Санчес порача дека припадноста кон една држава не се мери според презимето, местото на раѓање или бојата на кожата.

„Шпанија им припаѓа на оние што ја сакаат и придонесуваат за неа, а не на оние што ја срамат со ксенофобични изјави. Франција, ќе се видиме во полуфиналето. Нека победи подобриот, а расизмот нека загуби“, напиша Санчес на социјалната мрежа Икс.

— реклама —

Остри реакции пристигнаа и од француската влада. Министерката за прекуморските територии Наима Мутшу оцени дека станува збор за „методична и нормализирана омраза кон Франција“, додека министерката за борба против дискриминацијата Орор Берже порача дека спортот треба да биде место каде што луѓето се вреднуваат според својот талент, а не според потеклото.

— реклама —

Францускиот министер за внатрешни работи Лоран Нуњез, кој има шпанско потекло, изјави дека коментарите на Рајој се целосно неприфатливи и нагласи дека Франција е држава во која секој има место, без оглед на своето потекло.