Едно лице загина, а шест други беа спасени откако силното невреме и разбрануваното море предизвикаа три чамци да удрат во карпи и да потонат во близина на Кипар во саботата.
Како што пренесува „Ројтерс“, повикувајќи се на локалните медиуми, спасувачки хеликоптер извлекол маж во бесознание од морето во близина на Кејп Греко, на југоисточниот брег на островот. Тој подоцна бил прогласен за починат.
Двајца од спасените биле пренесени во болница на лекување.
Силниот дожд и ветровите во текот на саботата предизвикале проблеми низ Кипар. Биле поплавени улици, активирани свлечишта, а силниот ветер уривал дрвја.
