Спасувачките екипи продолжуваат со потрагата по 20 исчезнати лица, откако траектот се преврте во близина на северен Кипар. Во вторник се очекува од Турција да пристигне специјализиран тим со опрема за пребарување на големи длабочини.
Во несреќата, која се случи во неделата, загинаа најмалку осум лица. Траектот, на кој имало 267 патници и членови на екипажот, почнал да прима вода и се превртел кратко по испловувањето од пристаништето во Киренија.
Дел од преживеаните се спасиле држејќи се за превртениот труп, по што биле преземени од чамци кои се нашле во близина. Сепак, постојат сомнежи дека дел од патниците можеби останале заробени во внатрешноста на пловилото. Меѓу исчезнатите има и деца.
Остатоците од траектот се наоѓаат на морското дно, на длабочина поголема од 500 метри, што е надвор од можностите на локалните спасувачки служби. Лидерот на кипарските Турци, Туфан Ерхурман, најави дека тимот од Турција ќе пристигне со специјализирана опрема за пребарување на потонатиот траект и морското дно околу него.
Причината за несреќата сè уште се истражува. Според сведоштва, катамаранот непосредно пред несреќата силно се нишал, а потоа, при ударот во морето, бил оштетен предниот дел од пловилото. Кипарските Турци соопштија дека траектот имал важечки сертификат за пловидбена способност.
Во меѓувреме, судот во понеделникот одредил тридневен притвор за девет лица поврзани со работењето на траектот, во рамки на истрагата за несреќата.
(Видео) Патнички брод се преврте кај Кипар, 279 лица биле на него – во тек спасувачка акција
Патнички брод на компанијата „Filo Jet“, кој превезувал повеќе од 250 патници, се превртел кратко по испловувањето од пристаништето Ѓирне на северот на Кипар, јавува локалниот медиум „Özgür Gazete Kıbrıs“.Несреќата се случила на околу два до три километри од брегот. Патниците кои биле на бродот се искачиле на превртениот труп на пловилото, каде што ја чекаат помошта и евакуацијата.Во тек е голема спасувачка операција во која учествуваат бродови на крајбрежната стража, хеликоптери, приватни плови
Свет | пред 1 ден
