Николоски: Автопатот Охрид–Кичево ќе биде целосно пуштен до крајот на мај

Изградбата на автопатот Охрид–Кичево се одвива со добра динамика, а целосното завршување и пуштање во употреба се очекува до крајот на мај, изјави вицепремиерот и министер за транспорт Александар Николоски.

— реклама —

Тој потврди дека градежните работи на делницата од Извор до Врбјани, вклучително и тунелите кај Пресека, се целосно завршени. Во моментов се спроведуваат тестирања и се применува најновата европска директива за безбедност во сообраќајот, со посебен акцент на тунелите.

— реклама —

На овој потег се изградени две тунелски цевки, долги 2.100 и 1.990 метри, како и четири галерии, мостови и вијадукти.

— реклама —

„Остануваме на она што го ветивме, а тоа е до крајот на мај да имаме не само целосно пуштен автопат, туку и автопат со сите потребни документи“, изјави Николоски.

— реклама —

Тој најави дека делницата од Извор до Врбјани се очекува да биде ставена во функција во следните неколку недели, по завршувањето на потребните безбедносни тестирања.