Николоски: Ја развиваме Брвеница со реализација на конкретни проекти

Александар Николоски, член на Извршниот комитет на ВМРО-ДПМНЕ, најави поддршка за реализација на инфраструктурни проекти во Општина Брвеница, меѓу кои изградба на пат до црквата „Св. Екатерина“ во селото Стенче и рехабилитација на патот до Гургурница.

— реклама —

При посетата на црквата „Св. Екатерина“ во Стенче, Николоски истакна дека нејзината поголема посетеност би можела да придонесе за развој на туризмот и локалната економија. Тој посочи дека тендерската постапка за изградба на патот до црквата и селото е завршена и дека е избран изведувач.

— реклама —

Според Николоски, подобрата патна поврзаност ќе овозможи полесен пристап за посетителите од различни делови на Македонија.

— реклама —

Тој најави и подготвеност на Министерството за транспорт и Владата да продолжат со поддршката на општината. Како еден од следните проекти го посочи патот до Гургурница, за кој се планира рехабилитација, проширување и изградба, со цел да се подобри патувањето до селото.

Николоски изрази уверување дека соработката со општината ќе продолжи и дека ќе бидат реализирани дополнителни проекти. На крајот од обраќањето упати повик за поддршка на кандидатот со број 1 на претстојното гласање.